न्यायको लागि साहस ३.०

न्यायको लागि साहस ३.० (साहस फर जस्टिस ३.०) परियोजना, द्वन्द्वपीडित महिला राष्ट्रिय सञ्जाल (CVWN) को नेतृत्वमा सञ्चालन भइरहेको छ, जसले सशस्त्र द्वन्द्वबाट प्रभावित महिलाहरूलाई संक्रमणकालीन न्याय प्रक्रियामा सहभागी गराई उनीहरूको नेतृत्व क्षमता वृद्धि गर्न सशक्त बनाउने उद्देश्य राख्छ। यो पहलले राष्ट्रिय कार्ययोजना दोस्रो चरण (NAP II) लाई प्रवर्द्धन गर्दै द्वन्द्वपीडित महिलाहरूलाई द्वन्द्वसम्बन्धी यौन हिंसा (CRSV) पीडितहरूको मागलाई सत्य-खोजी प्रक्रियामा प्रभावकारी रूपमा उठाउन सहयोग पुर्‍याउने अभिमुखीकरणहरू प्रदान गर्छ। परियोजनाले स्थानीय र संघीय सरकारसँग समन्वय गरी CRSV पीडितहरूको आवश्यकताहरू सम्बोधन गर्ने नीतिहरू कार्यान्वयन गर्दै, उनीहरूलाई न्याय र क्षतिपूर्तिमा पहुँच सुनिश्चित गर्न सहयोग गर्छ।

मुख्य गतिविधिहरूमा प्रदेश र जिल्ला स्तरमा CRSV पीडित महिलाहरूको सञ्जाल निर्माण, NAP II सम्बन्धी अभिमुखीकरण, NAP II को प्रभावकारी कार्यान्वयनका लागि संघीय स्तरमा वकालत बैठकहरू सञ्चालन, र संघीय स्तरमा सुरक्षा संयन्त्रहरू सुनिश्चित गर्ने कार्यहरू समावेश छन्। विभिन्न प्रदेश र जिल्लाहरूमा सञ्चालन भइरहेको साहस फर जस्टिस ३.० परियोजनाले द्वन्द्वपीडित महिलाहरूको सशक्तिकरण गर्दै संक्रमणकालीन न्याय प्रक्रियामा उनीहरूको आवाजलाई बलियो बनाउने लक्ष्य राखेको छ। नेतृत्व विकास र वकालत क्षमताको सशक्तीकरणमार्फत, परियोजनाले एक समावेशी र न्यायपूर्ण समाज निर्माण गर्न योगदान पुर्‍याउने उद्देश्य राख्छ। यो परियोजना द स्टोरी किचन को साझेदारीमा जनवरी २०२३ देखि जुन २०२५ सम्म सञ्चालन भइरहेको छ ।